mércores, 8 de xuño de 2022

Por que me estou a passar a Mastodon.gal (Fediverso) abandonando Facebook, Twitter, Instagran e Youtube?

 

Os que imos maiores ainda lembramos a enciclopédia Encarta, falecida definitivamente em 2009. (Ver na wikipedia em galego https://gl.wikipedia.org/wiki/Microsoft_Encarta ou em castelão -mais completa- https://es.wikipedia.org/wiki/Microsoft_Encarta). Fundada no 1993, foi um intento muito bem pensado de satisfazer a necessidade humana dum Bem (o de ter a disposição uns conhecimentos básicos ou de consulta) a través da sua privatização centralizada e com o objeto de obter benefícios.

A Encarta (e as demais enciclopédias baseadas no mercado que forom intentando este “negocio” opuso-se-lhes umha visão diferente de satisfação dessa necessidade, a baseada no bem comum (mediante a gestão descentralizada do bem a través da colaboração e a regulamentação). Nasceu a Wikipedia-Galipedia.

Se Encarta faleceu no 2009 é porque perdeu essa batalha, que creio que ganhamos os demais.

Agora a batalha está (entre outras) nas redes sociais. O campo estivo praticamente livre para a opção do mercado, a centralização e o máximo beneficio (facebook, twitter, instagran…) com os resultados (e os perigos) que todos imos conhecendo. Hai que reacionar. E a reação é o Fediverso, umha Federação de redes que, para entendermos-nos, semelham mais ou menos a cada umha dessas redes, baseadas nas premissas do “Bem Comum”. Mastodon seria o semelhante a Twitter, se bem cuido que é mais completa, que está melhor feita e que é a que mais está a medrar dentro desse Fediverso. Hai outras como podemos ver aqui de forma mui gráfica https://fediverse.party/

Diante da compra de Twitter por Elon Musk, e dos dados que conhecemos ultimamente sobre o funcionamento de Facebook (e Instagran, do mesmo proprietário) ou de Tik-Tok, creio que a migração a Mastodon (e ao Fediverso) é necessária.

São consciente de que estas redes baseadas no bem comum são ainda pequenas e que durante um período mais ou menos longo haverá que compatibiliza-las coas atuais. Mais também creio que temos-lhes que dar músculo desde já, para algum dia poder botar as redes baseadas no mercado ao mesmo lugar, felizmente esquecido, da historia no que está Encarta.

Saber mais de Mastodon: https://mastodon.help/gl

Dar-se de alta em Mastodon.gal: (é mui simples, mas logo da inscrição hai que esperar a aceitação do administrador (eu tardei apenas 1 dia) https://mastodon.gal/auth/sign_up



sábado, 4 de xuño de 2022

Plans de Pensións de Emprego e privatización das pensións.

 

Que son os Plans de Pensións de Emprego?

Na xerga do pacto de Toledo, no sistema de pensións hai tres pilares: Primeiro, as Pensións públicas. Segundo, estes Plans de pensións de emprego. Terceiro os Plans individuais actuais.

Este segundo pilar consiste nun sistema privado de capitalización financiado a partir de cotas dos traballadores e da patronal e xestionados, en última instancia, por entidades privadas coa finalidade de “mellorar” e/ou substituír aos actuais plans privados individuais.

Foron aprobados no Consello de Ministros o pasado 22 de febreiro e actualmente están en fase de ponencia, tendo o goberno o 30 de xuño como prazo máximo para a aprobación definitiva por mor do compromiso acadado coa Unión Europea nos Fondos europeos do plan de recuperación.

Cales son as razóns para estar en contra?

As principais razóns que vexo eu para oporse a estes Plans, son as seguintes:

1.- Porque supoñen un primeiro paso para o debilitamento do Sistema Público de Pensións. De feito a súa posta en marcha será financiada por toda a cidadanía mediante tres mecanismos:

-Achegas iniciais públicas (descoñécese a contía neste momento),

-Desgravacións fiscais para os que subscriban o plan fixadas en 1.500 euros e para as empresas, 8.500 euros, se ven recentes negociacións publicas coa dereita incrementarían estas cantidades e ampliaríaas ao imposto de sociedades. i

-E para min o máis grave, descontos ás empresas nas cotizacións á Seguridade Social, debilitando o Sistema Público de Pensións con estes novos “gastos impropios” nunha contía que, nas propias previsións do goberno, non van ser pequenos.

2.- Porque non vai estar ao alcance de todos os traballadores, senón unicamente de aqueles que poidan facer achegas durante a súa vida laboral. Cun emprego precario nin se pode aforrar nin hai nada que desgravar.

3.- Porque van favorecer unicamente aos grupos financeiros, que aumentarán o seu negocio en miles de millóns de euros e porque estes produtos financeiros van estar sometidos aos antollos e ás crises dos mercados (lembremos o sucedido en Chile, por exemplo ii )

Cales son as necesidades do actual sistema de pensións público?

Creo que o que necesitamos é manter e mellorar o Sistema público de pensións e os dereitos acadados polos/as traballadores/as, reforzando, por unha banda, todas as pensións e, especialmente, as pensións mínimas, as non contributivas e as de viuvez e, pola outra, incrementando os seus ingresos.

Neste último sentido, se o que se pretende é que algúns/unhas traballadores/as poidan ter pensións complementarias, non sería mellor romper o teito de cotización, (4.140 euros mensuais)? Deste xeito quen quixese cotizar máis percibiría unha pensión superior, mantendo un criterio de solidariedade co resto dos/as traballadores/as ao aumentar tamén os ingresos do sistema.

Cales son as perspectivas de aprobación?

Neste momento o Proxecto de Lei continúa a súa tramitación parlamentaria grazas o apoio do goberno e do PP, Ciudadanos e Vox tras ser rexeitada a emenda á totalidade presentada polo BNG malia obter os apoios de Esquerra Republicana, EH-Bildu, Más País-Equo, a CUP e Compromís.

As últimas información dan a entender que o grupo do PSOE está tratando de chegar a acordos coa dereita cedendo maiores desgravacións e menores (ou incluso ningunha) limitación aos investimentos que interesen aos xestores (privados) dos fondos.

Estes Plans teñen relación cos Entidades de Previsión Social Voluntaria (EPSV) ?

As EPSV que funcionan no País Vasco son un antecedente inmediato dos Plans de Emprego (ver a súa páxina publicitaria aquí iii)

Precisamente o 25 de marzo deste ano o sindicato vasco LAB, tras un debate interno coa súa militancia, concluíu que as EPSV desenvolvéronse nunha dirección contraria ao modelo defendido por LAB. As razóns son varias e reprodúzoas, polo seu interese neste debate, nesta nota iv:

Mobilizacións:

Ante esta situación o Movemento de Pensionistas v, nesta nota que achegamos, chama á mobilización contra o Proxecto de Lei para o Fomento dos Plans de Pensións de Emprego e esixindo a súa retirada.

i Escrivá cede ante PP y Cs e incluirá más deducciones para los planes de empresa (lainformacion.com)

ivLAB “Porque as prestacións non son universais, non se basean na solidariedade entre traballadores e traballadoras, aumentan as desigualdades entre traballadores e traballadoras, dan cobertura a unha minoría de traballadores e traballadoras, non conseguiron complementar o sistema de pensións ou ofrecer complementos dignos, os investimentos carecen en xeral de ambición e capacidade para influír estratexicamente no propio tecido económico e non serviron para dar pasos cara á creación dun sistema público propio. Aínda que non dubidamos de que supuxo beneficios individuais a algunhas persoas, non serviron de ferramenta colectiva”.

Fonte: https://www.lab.eus/es/suspenderemos-nuestra-participacion-en-las-entidades-de-prevision-social-voluntaria-de-empleo/

v Asociación Xubilación Anticipada sen penalizar, COESPE (Coordinadora Estatal en Defensa do Sistema Público de Pensións), EHPM- MPEH: Movementoo de Pensionistas de Euskal Herria, MADPP: Movemento Andaluz en Defensa das Pensións Públicas, MODEPEN: Movemento pola Defensa das Pensións Públicas. UNIDADE- COESPE e Plataformas de Pensionistas de Badaxoz e Móstoles

xoves, 2 de xuño de 2022

Umha reflexão demasiado rápida e que, obviamente, sei que precisa de muitas matizações, mas aí a deixo.

 

Publicado originalmente em Diáspora

Nova: Por Andalucía recurre también la presencia de Teresa Rodríguez en el debate de TVE

A vitoria da esquerda está mui difícil. E desde logo não ajudam essas elites que estão convencidas de que o seu principal inimigo é o que está ao seu carão, “comendo-lhe” o espaço político (que por definição parece que é dessa elite e não de todos os que estamos nesse espaço).

Umhas elites que (como vimos lamentavelmente na Galiza com Podemos-IU quando destroçou En Marea em canto não a puido controlar) são capazes de destroçar o espaço comum com tal de destruir ao do lado (e de passo as esperanças de muitos e a necessidade de todos de ganhar, de avançar cara a umha sociedade melhor e de cortar o avance do fascismo).

Vemo-lo de novo no lamentável espetáculo de Andalucia. Sabem todos a urgência da união, mas parecem incapazes de mirar mais alo do seu embigo, da sua cota de poder (não vejo problemas ideológicos sérios que impidam a unidade).

Quando muitos falavam de “não nos representam” também se referiam a essa elites e lamentavelmente muitos não as vão votar (Eu si votaria e chamo a votar, obviamente: Ainda que não seja mais que para parar a direita).

Creio que em Andalucia não vai ganhar a direita, vai perder a esquerda, ela soínha.Nova: Juanma Moreno rozaría la mayoría absoluta en las andaluzas y podría gobernar en solitario

E já não colam montagens de última hora “aparentando”unidade Nova Las izquierdas se unen en la campaña de Por Andalucía para remendar sus heridas.

Lamentavelmente muitos eleitores não perdoam esses erros. É necessária umha nova cultura política da esquerda.

Umha cultura que passa por “sumar”, efectiuvamente. Mas em serio.

xoves, 12 de maio de 2022

Shireen Abu Akleh, Jornalista da Al Jazeera assassinada numha operação militar israelita.

 

 
Shireen Abu Akleh, Jornalista da Al Jazeera morta numa operação militar israelita em Jenin. Segundo Al Jazeera foi morta “a sangue frio”.

Junto a Shireen Abu Akled estava Ali Samoudi, que trabalha para o jornal Al-Quds, de Jerusalém, quem disse ao Haaretz que ele e Shireen Abu Akleh estavam claramente identificados quando foram atingidos. “...de repente dispararam contra nós sem nos pedir para sair ou para parar de filmar” ...“A primeira bala atingiu-me e a segunda atingiu Shireen”, contou, sublinhando que “não havia resistência militar palestiniana no local”.

Outra jornalista que estava no grupo, Shatha Hanaysha, da Quds News Network, disse ao diário britânico The Guardian que “É óbvio que quem disparou queria atingir uma parte exposta do seu corpo. Isto é um assassínio.”

Fonte: https://www.publico.pt/2022/05/11/mundo/noticia/jornalista-aljazeera-morta-operacao-militar-israelita-jenin-2005739

Temo-me que este assassinato está relacionado com o que se dizia neste artigo que manifestava esperança: https://www.publico.es/internacional/palestina-israel-puerta-esperanza-acabar-apartheid-palestino.html?

Mas, como dizia no meu facebook (04-04-2022) sobre a noticia mencionada: Um pesadelo meu terrível: O regime de apartheid e militarizado israelí fai-lhe falta umha intifada, real ou inventada, que o justifique,em três, dous, um...

Espero equivocar-me. Em serio.

https://www.facebook.com/bieito.penela/posts/3424834457656911


Por que me estou a passar a Mastodon.gal (Fediverso) abandonando Facebook, Twitter, Instagran e Youtube?

  Os que imos maiores ainda lembramos a enciclopédia Encarta, falecida definitivamente em 2009. (Ver na wikipedia em galego https://gl.wiki...