ABieito-Blog-gal: Cousas que están acontecendo (2021-06-04):

Ler en es Ler en pt-gal

-Hoxe é un día moi importante, o 5 de xuño, Día Mundial do Medio Ambiente, un día no que hai moito que loitar, como se vai facer nesta manifestación convocada pola plataforma de organizacións "eólicos así non" (1) e debater, por riba de todo, penso eu, debater.

O día dáme pé para copiar esta reflexión de Eureka (plataforma estatal de apoio ao ICE da RB), recollida por Colectivos Cidadáns pola Renda Básica (2)

“...(É necesario) favorecer e acelerar unha transición cara a enerxías limpas e renovábeis, un cambio nas relacións comerciais, produtivas, sociais, culturais, etc., tanto nacionais como internacionais. Mais, como paso fundamental, hai que asegurar a todas as persoas as súas necesidades básicas para que poidan afrontar o seu futuro coa confianza e tranquilidade necesarias. Por esta razón, sabemos que unha Renda Básica Incondicional pode supor a posibilidade de dar continuidade a proxectos, individuais ou colectivos, transformándoos e adaptando-os ás novas necesidades e asumindo os novos desafíos da mudanza, sabendo que a base de subsistencia está asegurada".

Aqueles que me coñecen non se sorprenderán de que subliñase o segundo parágrafo (asegurar a todas as persoas as súas necesidades básicas, é dicir, unha renda básica). Mais hoxe quero destacar a primeira, a necesaria transición cara a enerxías limpas e renovables, nun momento no que a polémica sobre as novas tarifas eléctricas está a aumentar. Un exemplo é este cartaz que, en varios formatos, circulou pola rede e que adaptei para este blogue. Alí analizo a miña posición (3)

Mais, aproveitando que estamos a falar de electricidade, este sector no que atopamos xente tan amigueta (entre eles, por suposto), como Felipe González, Aznar e todos aqueles, xa se sabe, os das portas xiratorias, quixera dar conta dunha despedida: A do amiguete Villar Mir. Porque este señor, un clásico nisto, que xa foi no seu día amiguete de Franco, despois do Rei emérito e, máis despois, do Rei non emérito, xubílasenos (4).

É bo saber como nesta sociedade existen grupos de amigos, capaces de apoiarse uns aos outros de forma abnegada (ou non tan abnegada). Xente que, grazas aos seus amiguetes, están vivindo, e moi ben, e mesmo vanse enriquecendo e facéndose moi, moi ricos. Todo comezou cos amigos do "Réxime" (así era como se coñecía o nazismo español na época de Franco). E ata agora, sempre co apoio do Estado, como quen di (Porque, está claro, ao igual que Madrid é España, os Amiguetes son o Estado).

Coa súa xubilación parece que acaba unha era, mais é apenas unha aparencia. Alguén pensa que este capitalismo, polo menos nesta pel deste touro (touradas non!!, por certo), foi cousa do franquismo? Ben, non, sen ir máis alá temos a Rato, por exemplo, para refutalo, cun amiguete (máis coñecido como testa-ferro) nunha empresa armamentistica que o axudaba a evadir impostos (5). E hai moitos outros exemplos, como os amiguetes das portas xiratorias que mencionei anteriormente, que fixeron tanto por liar " o das eléctricas".

Ou aqueles amigos que están nos bancos, moi bos amigos entre eles como podedes ver nesta ligazón de Spanih Revolution. (6) "Máis de 10 bancos concordaron, todos a unha, nunha especie de desafío ao libre mercado (...) endurecer as condicións nas que o usuario xa deixa de pagar comisións por ter unha conta con eles”.

E que no mercado libre non hai nada como ter amiguetes, todos de acordo e ao mesmo tempo. E se algún "cliente" non concorda, que troque de banco (ha ha ha) estamos nun sistema (neo) liberal, ou non?

E xa que falamos de "chourizos" déixovos esta imaxe (7)