1) IMV versus RBUI:
Novas que non o son tanto: Un tribunal concedeu a Daniel, unha persoa sen fogar, o dereito a cobrar o IMV completo, mais a Seguridade Social recorreu a sentenza. Asegura que se debe ter en conta os seus ingresos de 2019, polo que ten dereito a unha prestación menor, case a metade. Efectivamente, a estas alturas novas como esta, relacionada co Ingreso Mínimo Vital, xa non nos sorprenden. A condicionalidade ten estas cousas, os teus dereitos “dependen” dunha burocracia que vai ser, na mellor das hipóteses, legal, mais nunca xusta.
Repetireime: Se queremos xustiza, a Renda Básica (Universal, Incondicional, Individual e Suficiente) non só é necesaria senón imprescindíbel.
2) Manifestación polos Servizos Públicos
Novas que son necesarias: Manifestación Modepen o 27 de xuño en Compostela pola defensa do Servizos Públicos. Ver a nova:
3) Capitalismo de “assholes”
Novas que describen un xeito de estar (moi ben) no mundo: A Comunidade de Madrid cumpriu todos os desexos solicitados por OHL para demoler seis edificios extraordinarios dos séculos XIX e XX e transformalos no epicentro do luxo madrileño, mentres se finalizaba a compra de Villar Mir a Esperanza Aguirre dun cadro de Goya por cinco millóns de euros. Un exemplo perfecto de capitalismo de amiguetes, ou de “ghilipollas” (descoñezo a tradución correcta en galego) no sentido que ten teorizado Aaron James no seu libro “Assholes: a Theory” https://www.eldiario.es/cultura/goya-canalejas-intereses-cruzados-esperanza-aguirre-villar-mir_1_8080357.html?mc_cid=7de79bb46e&mc_eid=63bd7c4f83
4) Inmigración. A vergoña de Europa.
Novas que precisan unha análise: Notas soltas que van compondo unha parte do quebracabezas dunha política inxusta e esgotada. A Inmigración ilegalizada:
Unha primeira nova, o “nonvaimáis” da explotación dunhas persoas indefensas. Indefensas por “ilegalizadas”: Os explotadores contrataban estranxeiros baixo a identidade de terceiros. Deste xeito, mentres o traballador cumpría o seu contrato de traballo que non respectaba o convenio colectivo agrícola, forestal e pecuario da Rexión de Murcia, co cal mal gañaban un euro por caixa recollida, a persoa inscrita na Seguridade Social sen traballar podía aproveitarse das prestacións e subvencións, o que supón un fraude ao erario público.
https://www.publico.es/economia/detenidas-murcia-43-personas-explotar-campo-migrantes.html
Unha segunda nova: Europa expulsa inmigrantes, xa o sabiamos e tamén que os expulsaba ao inferno. Mais hai infernos e infernos e Libia é dos peores, un país transformado por nós nun inferno para a súa poboación e, aínda máis, para os e as inmigrantes. En seis meses, perto de13.000 persoas foron devoltas a un país considerado Non Seguro pola ONU. Médicos Sen Fronteiras parou de prestar asistencia sanitaria en dous centros oficiais de detención tras o enorme deterioro da situación debido á masificación causada polos retornos da garda costeira libia financiada por Europa.
https://www.publico.es/internacional/migrantes-libia-aumento-devoluciones-libia-agrava-violencia-migrantes-detenidos-centros-desbordados.html?
Unha terceira nova: Inglaterra (e Dinamarca) fixan a súa fronteira para solicitantes de asilo en... Ruanda.
E unha verdade (unha máis) que desmente un discurso interesado: “... Non, África non quere vir (maioritariamente) a Europa. E si, a teimosía en crelo corre o risco de reforzar discursos que a priori quérense combater.
5) Internacional. Procesos que parecen enquistadas:
Perú: A legalidade avanza, mais tan amodo que dá noxo...
Myanmar: Os golpistas militares afiánzanse. Do xeito que saben os militares, claro. A violencia sexual contra as mulleres sempre foi unha arma “lexítima” deles:
Francia: A extrema dereita ¿derrotada? Polos partidos tradicionais. Ou pola abstención? A extrema dereita non é unha solución á crise do neoliberalismo. Os partidos tradicionais tampouco.
“Ela está a afastar-se dos valores fundamentais do partido”, disse Jean-Pascal Devaux, um electricista reformado de Montdidier, na região de Hauts-de-France, ouvido pelo Politico. “Quando a ouço, parece que estou a ouvir uma candidata da esquerda. Está muito branda nas posições anticrime e contra a imigração.”
6) Análise: Neoliberalismo en crise
Asistimos a unha profunda reestruturación do capitalismo europeo e global. Reestruturación que, basicamente, xira en torno á disputa pola enorme cantidade de recursos mobilizados polos gobernos e as institucións comunitarias, a apertura de novos espazos de negocio en torno aos eixes "verdes e dixitais", verdadeiros estandartes dos fundos de recuperación europeos, a loita competitiva a escala global cuxos principais actores son China e Estados Unidos, onde Europa, consciente de que é un actor menor, pretende facerse cun espazo, e acceder a recursos básicos (petróleo, minerais, materiais ...), esenciais para a modernización das economías, cada vez máis escasos.
Neste contexto, é preciso ter en mente que os piares básicos do capitalismo, que o definen como un sistema, non só o que coñecemos como neoliberalismo, son mantidos e incluso reforzados
E unha visión diferente: https://www.eldiario.es/internacional/theguardian/neoliberal-terminando-estados-unidos-ahora_129_8084683.html?mc_cid=ad78fd53f6&mc_eid=63bd7c4f83
7) E mapa do inicio: O conseguido e o moito que falta por conseguir en materia das Leis de igualdade sexual: Fonte: https://ilga.org/es/mapas-legislacion-sobre-orientacion-sexual
Ningún comentario:
Publicar un comentario